វេទិកាស្តីពី”ការចូលរួមលើកកម្ពស់សមត្ថភាពក្រុមប្រឹក្សាឃុំ/សង្កាត់ និងអភិបាលកិច្ចក្នុងការអភិវឌ្ឍមូលដ្ឋាន” នៅខេត្តតាកែវ

ព្រឹកថ្ងៃទី០៧ ខែតុលា ឆ្នាំ២០១៥ កម្មវិធីវេទិកាស្តីពី”ការចូលរួមលើកកម្ពស់សមត្ថភាពក្រុមប្រឹក្សាឃុំ/សង្កាត់ និងអភិបាលកិច្ចក្នុងការអភិវឌ្ឍមូលដ្ឋាន” ដែលស្ថិតក្រោមអធិបតីភាពដ៏ខ្ពង់ខ្ពស់ នៃ ប៉េណា អនុប្រធានទី១ នៃព្រឹទ្ធសភា ព្រមទាំងមានការអញ្ជើញចូលរួមពីឯកឧត្តម លោកជំទាវ សមាជិក សមាជិកាព្រឹទ្ធសភា រដ្ឋសភា ឯកឧត្តមតំណាងក្រុម ការងារថ្នាក់ជាតិចុះមូលដ្ឋានខេត្តតាកែវ ឯកឧត្តមប្រធានក្រុមប្រឹក្សាខេត្ត ឯកឧត្តមអភិបាលខេត្ត ឯកឧត្តម លោកជំទាវ លោក លោកស្រី តំណាងក្រសួងស្ថាប័នពាក់ព័ន្ធ តំណាងវិទ្យាស្ថានសភាកម្ពុជា (PIC) សម្ព័ន្ធភាពជាតិក្រុមប្រឹក្សា ថ្នាក់មូលដ្ឋាន ប្រធានក្រុមប្រឹក្សាស្រុក/ក្រុង អភិបាលស្រុក/ក្រុង ក្រុមប្រឹក្សាឃុំ/សង្កាត់ និងស្មៀនឃុំទូទាំងខេត្តតាកែវ។ កម្មវិធីនេះប្រារព្វឡើងនៅសាលសហសិក្សានៃមជ្ឈមណ្ឌលគរុកោសល្យភូមិភាគតាកែវ ស្ថិតក្នុងសង្កាត់រកាក្នុង ក្រុងដូនកែវ ខេត្តតាកែវ។