ឯកឧត្តម ឡាយ វណ្ណៈ អញ្ជើញចុះដោះស្រាយទំនាស់ដីធ្លីរវាងប្រជាពលរដ្ឋ និងម្ចាស់ដីដែលចាក់ដីរំលោភលើផ្លូវសាធារណៈស្ថិតនៅភូមិតាលឿ ឃុំឧត្តមសូរិយា ស្រុកត្រាំកក់

ល្ងាចថ្ងៃទី០៤ ខែកញ្ញា ឆ្នាំ២០១៤ ឯកឧត្តម ឡាយ វណ្ណៈ អភិបាល ខេត្តតាកែវ បានអញ្ជើញចុះដោះស្រាយទំនាស់ដីធ្លីរវាងប្រជាពលរដ្ឋ និងម្ចាស់ដីដែលចាក់ដីរំលោភលើផ្លូវសាធារណៈស្ថិតនៅភូមិតាលឿ ឃុំឧត្តមសូរិយា ស្រុកត្រាំកក់ខេត្តតាកែវ ដោយមានការចូលរួមពី អាជ្ញាពាក់ព័ន្ធគ្រប់ជាន់ថ្នាក់ និងប្រជាពលរដ្ឋដែលមានទំនាស់។ជាលទ្ធផលដោយមានការព្រមព្រៀងគ្នាទាំងសងខាង ឯកឧត្តម បានសម្រេចឲ្យម្ចាស់ដីត្រូវបើកផ្លូវដែលបានចាក់ដីរំលោភនោះឡើងវិញ ដោយមានការវាស់វែង និងបោះបង្គោលតំរុយយ៉ាងត្រឹមត្រូវដោយ ឯកឧត្តមធ្វើជាសាក្សី។បន្ថែមពីនោះទៀតឯកឧត្តមអភិបាលខេត្ត បានណែនាំឲ្យមន្ទីរធនធានទឹក និងឧតុនិយមកាយស្តាប្រឡាយ ដែលនៅក្បែនោះឲ្យបានទំហំ ៤ម៉ែត្រ ដើម្បីមានផ្លូវបង្ហូទឹកជៀសវាង ការលិចលង់ផ្ទះប្រជាពលរដ្ឋនៅពេលដែលមានភ្លៀងធ្លាក់។ សេចក្តីសម្រេចនេះត្រូវបានទទួលការសាទរយ៉ាងខ្លាំងក្លាពីប្រជាពលរដ្ឋរងគ្រោះព្រមទាំងបានជូនបាច់ផ្កាដើម្បីជាការថ្លែងអំណរគុណចំពោះឯកឧត្តមអភិបាលខេត្តទៀតផង។ ដោយទឹកមុខញញឹមញញែមប្រជាពលរដ្ឋបានលើកឡើងថា មិនត្រឹមតែបានផ្លូវមក វិញទេ ថែមទាំងបានស្តាប្រឡាយបន្ថែមទៀត។
ឆ្លៀតក្នុងឱកាសនោះឯកឧត្តមក៏បានផ្តាំផ្ញើរបងប្អូនប្រជាពលរដ្ឋទាំងអស់ត្រូវជឿជាក់លើអាជ្ញាធរ ខេត្ត ជាពិសេសជឿជាក់លើរាជរដ្ឋាភិបាលដែល មានសម្តេចតេជោជាប្រមុខ ដែលជានិច្ចជាកាល តែងតែយកចិត្តទុក្ខដាក់ ចំពោះប្រជាពលរដ្ឋ។