ឃុំព្រៃខ្លា និងឃុំធ្លាប្រជុំ ស្រុកកោះអណ្តែត គឺជាឃុំទី២៩ និង៣០ នៅក្នុងយុទ្ធនាការ ១០០ឃុំ សង្កាត់របស់ឯកឧត្តម ឡាយ វណ្ណៈ

ឃុំព្រៃខ្លា និងឃុំធ្លាប្រជុំ ស្រុកកោះអណ្តែត គឺជាឃុំទី២៩ និង៣០ នៅក្នុងយុទ្ធនាការ ១០០ឃុំ សង្កាត់របស់ឯកឧត្តម ឡាយ វណ្ណៈ អភិបាលខេត្តតាកែវ ដែលបានចុះសំណេះសំណាលជាមួយអាជ្ញាធរភូមិឃុំ នារសៀលថ្ងៃសៅរ៍ ០១កើត ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១៧ ខែមីនា ឆ្នាំ២០១៨ ដើម្បីចង់បង្កើនភាពស្និទ្ធស្នាល និងចង់ដឹងពីសុខទុក្ខរបស់មន្រ្តីនិងចង់ដឹងពីបញ្ហាប្រឈមមួយចំនួននៅក្នុងមូលដ្ឋានព្រមទាំងការអនុវត្តន៏កាងារកន្លងមកជាពិសេសលោកបានធ្វើការណែនាំពីរបៀបបធ្វើការដើម្បីធ្វើយ៉ាងណាពង្រឹងកាងាររដ្ឋបាលក្នុងភូមិឃុំអោយបានល្អប្រសើរដែលនាំអោយការបំរើនិងផ្ដល់សេវាសាធារណៈជូនប្រជាពលរដ្ឋអោយបានល្អប្រសើរថែមទៀត។
ក្នុងឱកាសនោះឯកឧត្តម ឡាយ វណ្ណៈ បានជម្រុញដល់អាជ្ញាធរភូមិ សង្កាត់ទាំងអស់ត្រូវចុះជួបប្រជាពលរដ្ឋឱ្យបានទ្វេដង ត្រូវបង្កើនការយកចិត្តទុក្ខដាក់ជាមួយប្រជាពលរដ្ឋ ដើម្បីដឹងសុខទុក្ខ កង្វល់នានារបស់ប្រជាពលរដ្ឋ ហើយធ្វើការដោះស្រាយជាបន្ទាន់ ប្រសិនបើពុំមានលទ្ធភាពដោះស្រាយបានទេត្រូវធ្វើរបាយការណ៍មកលើដើម្បីចាត់វិធានការដោះស្រាយជូនប្រជាពលរដ្ឋដោយមិនប្រកាន់និន្នាការនយោបាយឡើង ហើយត្រូវរួមគ្នាការពារឱ្យបាននៅសន្តិភាពដែលមានសព្វថ្ងៃព្រមទាំងទប់ស្កាត់នូវគោលបំណងណាមួយក្នុងការធ្វើបដិវត្តពណ៌នៅកម្ពុជាឱ្យខាងតែបាន។
បន្ថែមពីនោះឯកឧត្តមក៏បានផ្តាំផ្ញើដល់អាជ្ញាធរភូមិ សង្កាត់ត្រូវខិតខំបង្រួបបង្រួមគ្នា សាមគ្គីគ្នានៅក្នុងមហាគ្រួសារខ្មែរ ជាពិសេសបងប្អូនដែលជ្រុលចាញ់បោកនយោបាយប្រជាភិថុត របស់ក្រុមប្រឆាំងអគតិដែលតែងតែដើរញុះញង់ឱ្យខ្មែរបែកបាក់គ្នា សំដៅធ្វើយ៉ាងណារួមគ្នាការពារសន្តិភាពដែលមានឱ្យខាងតែបានទោះក្នុងតម្លៃណាក៏ដោយ ព្រមទាំងរួបរួមគ្នាកសាងអភិវឌ្ឍន៍មូលដ្ឋានឱ្យកាន់តែរីកចំរើន ទាក់ទាញសមានចិត្តប្រជាពលរដ្ឋឱ្យជឿជាក់ និងមានភាពកក់ក្តៅកាន់តែខ្លាំងចំពោះរាជរដ្ឋាភិបាលកម្ពុជា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។