ឯកឧត្តម ឡាយ វណ្ណៈ អភិបាលខេត្តតាកែវចុះចែកបេប៊ីឃីតកាកបាទក្រហម ព្រមទាំងធ្វើសំបុត្រកំណើតជូនដល់លំនៅដ្ឋាន

ទារកទើបនឹងកើតចំនួន ១៣នាក់ ស្ថិតក្នុងឃុំអង្គរបុរី ស្រុកអង្គរបុរី ខេត្តតាកែវ ត្រូវបានឯកឧត្តម ឡាយ វណ្ណៈ អភិបាលខេត្តតាកែវចុះចែកបេប៊ីឃីតកាកបាទក្រហម(អំណោយកាកបាទក្រហមសម្រាប់ទារក) ព្រមទាំងធ្វើសំបុត្រកំណើតជូនដល់លំនៅដ្ឋាននាថ្ងៃទី២២ ខែកក្កដា ឆ្នាំ២០១៥ ។ ឆ្លៀតក្នុងឱកាសនោះឯកឧត្តមបានអបអរសារទដល់ក្រុមគ្រួសារទាំង១៣ដែលទទួលបានសមាជិកថ្មី និងបានផ្តាំផ្ញើមាតាបិតាទារកទាំងអស់ត្រូវចេះស្រលាញ់គ្នា យោគយល់ ហើយត្រូវខិតខំយកចិត្តទុកដាក់បីបាច់ថែរក្សា និងអប់រំទូន្មានបុត្រធីតារបស់ខ្លួនឱ្យបានល្អដើម្បីក្លាយជាទំពាំងស្នងឫស្សីដ៏ល្អមួយនៅថ្ងៃអនាគត។