ឯកឧត្តម សុខ សូកាន អ្នកតំណាងរាស្ត្របើកកិច្ចប្រជុំពិភាក្សាអំពីការរៀបចំការងារចុះជួយជួសជុលផ្ទះជូនប្រជាពលរដ្ឋដែលរងគ្រោះដោយសារខ្យល់កន្ត្រាក់ Posted on ថ្ងៃចន្ទ, 25 ខែឧសភា, 2015ថ្ងៃចន្ទ, 25 ខែឧសភា, 2015 អត្ថបទដោយ SMT0011 រសៀលថ្ងៃទី២៥ ខែឧសភា ឆ្នាំ២០១៥ នៅសាលប្រជុំសាលាខេត្តតាកែវបានបើកកិច្ចប្រជុំមួយក្រោមអធិបតីភាពឯកឧត្តម សុខ សូកាន អ្នកតំណាងរាស្ត្រមណ្ឌលតាកែវ ឯកឧត្តម ឡាយ វណ្ណៈ អភិបាលខេត្តតាកែវ ដោយមានការចូលរួមពីឯកឧត្តម លោកជំទាវ អស់លោក លោកស្រីប្រធាន មន្ទីរ អង្គភាព អភិបាលក្រុង-ស្រុកទូទាំងខេត្តតាកែវ។ កិច្ចប្រជុំពិភាក្សាអំពីការរៀបចំការងារចុះជួយជួសជុលផ្ទះជូនប្រជាពលរដ្ឋដែលរងគ្រោះដោយសារខ្យល់កន្ត្រាក់។ ការចុះជួយជួសជុល និងសាងសង់ផ្ទះជូនប្រជាពលរដ្ឋដឹកនាំដោយឯកឧត្តម សុខ សូកាន អ្នកតំណាងរាស្ត្រមណ្ឌលតាកែវ លោក អ៊ូច ភា អភិបាលរងខេត្ត និងលោកស្រី នូ សុវណ្ណនី អភិបាលរងខេត្ត និងជាប្រធានសាខាកាកបាទក្រហមកម្ពុជាខេត្តតាកែវ ដោយធ្វើការគៀងគរយុវជនស្ម័គ្រចិត្តមកពីសហភាពសហព័ន្ធយុវជនកម្ពុជាខេត្តតាកែវ យុវជនកាកបាទក្រហមកម្ពុជាខេត្ត យុវជនកាយរិទ្ធ ព្រមទាំងកម្លាំងនៃកងកម្លាំងប្រដាប់អាវុធទាំងបីប្រភេទដើម្បីជួយជួសជុល និងសាងសង់ផ្ទះឡើងវិញជូនប្រជាពលរដ្ឋឱ្យបានឆាប់រហ័សបំផុត។
