ឯកឧត្តម ឡាយ វណ្ណៈ ចុះចែកអំណោយកាកបាទក្រហមដល់ទុរគតជន

ឯកឧត្តម ឡាយ វណ្ណៈ អភិបាលខេត្តតាកែវ និងជាប្រធានកិត្តិយសសាខាកាកបាទក្រហមកម្ពុជាខេត្តតាកែវចុះចែកអំណោយកាកបាទក្រហមដល់ទុរគតជន និងចូលរួមពិធីបុណ្យសមាជិកក្រុមប្រឹក្សាឃុំ ក្នុងស្រុកទ្រាំងខេត្តតាកែវ។
រសៀលថ្ងៃទី១៦ ខែកក្កដា ឆ្នាំ២០១៥ ឯកឧត្តម ឡាយ វណ្ណៈ អភិបាលខេត្តតាកែវ និងជាប្រធានកិត្តិយសសាខាកាកបាទក្រហមកម្ពុជាខេត្តតាកែវ អមដំណើរដោយលោកស្រី នូ សុវណ្ណនី អភិបាលរងខេត្តតាកែវ និងជាប្រធានសាខាកាកបាទក្រហមកម្ពុជាខេត្ត ព្រមទាំងមន្ត្រីសាខា និងអនុសាខាបាននាំយកអំណោយដែលមាន អង្ករ ១បាវ កន្ទេល ១ តង់ ១ ឃីត ១កញ្ចប់ និងថវិកាមួយចំនួន ចែកជូនដល់ទុរគតជនក្រីក្រចំនួន ០៥នាក់ ស្ថិតក្នុងឃុំធ្លក ស្រុកទ្រាំងខេត្តតាកែវ រួមមានៈ
១. ភូមិក្រាំងរោង
-លោកយាយ នាង ហឿង អាយុ ៨៤ឆ្នាំ រស់នៅម្នាក់ឯងលើផ្ទះរបស់បងប្រុសលោកយាយដែលបានស្លាប់ទៅហើយ។
-លោកយាយ ឃន អែម អាយុ ៧២ឆ្នាំ រស់នៅជាមួយកូនប្រុសម្នាក់
២.ភូមិស្វាយ
-លោកយាយ ម៉ែន ទន អាយុ ៧៥ឆ្នាំ រស់នៅម្នាក់ឯង
-លោកយាយ ពៅ សង អាយុ ៧៦ឆ្នាំ រស់នៅជាមួយស្វាមីឈ្មោះ ទុយ ធឹម ដែលមានជំងឺធ្ងន់ក្រោកមិនរួច
៣.ភូមិក្រាំងធំ
-លោកយាយ ខៀវ យ៉ាន អាយុ ៦៤ឆ្នាំ លោកយាយពិកាហើយរស់នៅជាមួយប្អូនស្រី
បន្ទាប់ពីចែកអំណោយរួចមកឯកឧត្តមអភិបាលខេត្ត និងក្រុមការងារបានអញ្ជើញចូលរួមពិធីបុណ្យលោកពូ ខាត់ ខុន អាយុ៦៥ឆ្នាំ ជាសមាជិកក្រុមប្រឹក្សាឃុំប្រាំបីមុំ ស្រុកទ្រាំងខេត្តតាកែវ ដោយបានចូលរួមរំលែកទុក្ខយ៉ាងក្រៀមក្រំចំពោះក្រុមគ្រួសារនៃសពដែលបានបាត់បង់ស្វាមី ឪពុក ជាទីគោរពស្រលាញ់។